परळी तालुक्यातील बौद्ध ऊसतोड मजुराचा डोक्यात दगड घालून खून; बीड जिल्ह्यात खळबळ
परळी प्रतिनिधी. परळी तालुक्यातील अस्वलंबा येथील बौद्ध समाजाच्या ऊसतोड मजूराचा डोक्यात दगड घालून खून केल्याची घटना दिनांक २३ डिसेंबर रोजी कर्नाटक राज्यात घडली आहे. याप्रकरणी आरोपी हा मुकादम होता. याप्रकरणी कर्नाटक राज्यातील घटप्रभा पोलीस स्टेशन अंतर्गत आरोपी मुकादमावर खुनाचा गुन्हा दाखल करण्यात आला आहे. या घटनेने पुन्हा एकदा बीड जिल्ह्यात खळबळ उडाली आहे.
याबाबत अधिक माहिती अशी की,विकास बाळासाहेब जोगदंड (वय २८, रा. अस्वलंबा, ता. परळी, जि.बीड) यास त्यांच्याच गावचा मुकादम श्रीकृष्ण विठ्ठल ढाकणे (वय ४७, रा. अस्वलंबा, ता. परळी, जि. बीड) याने झोपेत असताना डोक्यात दगड घालून खून केल्याची घटना घडली आहे.
घटप्रभा पोलिस दिलेल्या माहितीनुसार मुकादम ढाकणे हा आजारी असल्याने त्यास विकास जोगदंड याने उपचारासाठी दवाखान्यात आणले होते. दवाखान्यात दाखल करून जोगदंड दवाखान्या बाहेर उभारण्यात आलेल्या जगद्गुरू गुरु सिद्धेश्वर मूर्ती जवळ रात्री साडेअकराच्या
सुमारास झोपला होता.श्रीकृष्ण ढाकणे हा दवाखान्या बाहेर आला आणि काही कळायच्या आत विकास जोगदंड च्या डोक्यात चाळीस किलो पेक्षा मोठा दगडघातला. व छातीवर बसून दगडाने तोंड डोके ठेचू लागला. हे पाहून दवाखान्याच्या सुरक्षा रक्षकाने ताबोडतोब ढाकणे याला पकडले.
व घटप्रभा पोलिसांना माहिती दिली. तसेच ढाकणे याला पोलिसांच्या ताब्यात दिले.
मृताचे वडील बालासाहेब मारुती जोगदंड यांनी घटप्रभा पोलिसांत फिर्याद दिली आहे. पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास करीत आहेत.' दरम्यान, रात्री उशिरापर्यंत या खुनाचे कारण समजू शकले नव्हते.घटप्रभा पोलिस अधिक तपास करीत आहेत.
दरम्यान या खूनाच्या घटनेने पुन्हा एकदा बीड जिल्ह्यात खळबळ उडाली आहे.याबाबत घटप्रभा पोलिसांनी दिनांक 24 डिसेंबर रोजी परळी तहसील कार्यालयाला एक पत्र पाठवून याबाबत अधिकृत माहिती दिली आहे.
टिप्पणी पोस्ट करा